الاستثمار في العقارات التجارية .. لبناء الثروة والحفاظ على رأس المال
العقارات التجارية عادة بتؤجر للأعمال التجارية وأغراض البيع بالتجزئة، والاستثمار في العقارات التجارية ممكن يتضمن شراء أو تطوير عقارات بيتم تصميمها بهدف تأجيرها بشكل تجاري، وعلى عكس العقارات السكنية فعملية تأجير وجمع الإيجار بيكون من شركات مش من أفراد مستأجرين، وعشان كده فالاستثمار في العقارات التجارية له فوائد كتير منها:
- دخل أعلى: فالعقارات التجارية بتتمتع بعائد أفضل على الاستثمار بمعدل يترواح من 6 إلى 12 %، ده غير إن مخاطر خلو الوحدات فيها بيكون أقل وعقود الإيجار بتستمر مدة أطول من الإيجارات السكنية.
- منافسة أقل: ميزة مهمة مرتبطة بالعقارات التجارية وهي المنافسة الأقل نسبيا وده بسبب صعوبة الاستثمار في العقارات التجارية لأنها بتكون مكلفة ماليا أكتر من العقارات السكنية وعشان كده كتير بيتوجهوا للعقارات السكنية.
- إيجارات طويلة الأجل: عادة العقارات التجارية بتكون عقود التأجير بتاعتها أطول مقارنة بالإيجار السكني وعشان كده فهي بتوفر للمستثمرين عائدات ضخمة وتدفقات شهرية كبيرة، وفي حالات كتير ممكن مدد عقود الإيجار دي تستمر لسنوات.
- ضمان الحصول على الإيجار: فالمباني التجارية غالبا بتؤجر لشركات وبالتالي عشان تهتم بصورتها بتقوم دايما بالاهتمام بالعقار وصيانته وإدارته بشكل صحيح، ده غير إن الشركات بتميل لدفع الإيجار في ميعاده عشان
- متفقدش المكان.
وعشان تقرر انت حابب تستثمر في أنهي نوع من العقارات التجارية فلازم تفهم الأنواع المختلفة منها واللي ممكن نقسمها بشكل عام لخمس أنواع:
- المكاتب: وده من أشهر أنواع العقارات التجارية واللي ممكن تكون عبارة عن مكتب واحد مستأجر أو مبنى كامل، والمساحات المكتبية ممكن تتقسم لفئات:
الفئة الأولى ودي بتضم العقارات التجارية حديثة البناء واللي موقعها بيكون مميز وبيكون سهل الوصول إليها من كل مكان.
الفئة التانية ودي عادة المباني بتاعتها بتكون أقدم وبالرغم من إن بيتم صيانتها والحفاظ عليها بشكل دائم إلا إنها ممكن تحتاج تصليحات وتحديثات صغيرة.
- مباني البيع بالتجزئة: ودي برده من أشهر أنواع العقارات التجارية واللي ممكن تتنوع من مراكز التسوق والمجمعات الاستهلاكية والبنوك والمطاعم وغالبا بتكون موجودة في المناطق الحضرية أكتر وعلى الطرق السريعة.
- المباني الصناعية: واللي بتتميز بالمساحات الضخمة المجهزة إنها تتحمل أعباء البيئة الصناعية وباحتياطات أمنية وصحية عالية المستوى واللي ممكن يتم استغلالها عشان تكون مستودعات ومخازن أو مصانع.
- التجمعات السكنية متعددة الأسر: وهي المباني أو التجمعات السكنية متعددة الأسر واللي بتضم أكتر من أربع أسر في المبنى الواحد.
- المباني لأغراض خاصة: واللي بتكون مصممة لغرض محدد لدرجة إنه بيكون من الصعب بعد كده استخدامها لأي غرض تاني وده زي مثلا الجراجات وأماكن غسيل السيارات والمدارس والمستشفيات، وبرده المباني السياحية والترفيهية ممكن تدخل ضمن الفئة دي زي الفنادق والمطارات والملاعب الرياضية والحدائق الترفيهية.
الاستثمار في العقارات يعتبر وسيلة مهمة لبناء الثروة والحفاظ على رأس المال اللي تم استثماره، والعقارات التجارية بالأخص معروفة إنها من أكتر الاستثمارات العقارية اللي بتوفر مصادر دخل مرتفعة مع عدم وجود خسائر كبيرة، ولو انت بتستثمر في مجال العقارات السكنية وحابب تتعرف أكتر على ازاي ممكن تستثمر في العقارات التجارية، فالبوست ده هيساعدك إنك تعرف معلومات كتير عنها.
المؤشر للتطوير العقاري
-1708430160.webp "مشروع الاندلس القطعة 64")
